AJALI MBALIZI MBEYA...WATU KUMI WAFARIKI KUFIKIA SASA

SAMAHANI KWA KUTO KUHUDUMIA MTANDAO WETU KWAKUWA NILIKUWA NA SAFARI YA MSIBA WA BABU YANGU MZEE KAPOJA NA NILIFANIKIWA KUSOMA WASIFU WAKE.

MOJA YA GALI ILIYOPATA AJALI NA KUWAKA MOTO MKUBWA

WAKAZI WA MBALIZI WAKISHUHUDIA AJALI MBAYA ILIYOPOTEZA WATANZANIA WENZETU

Watu kumi  wamekufa baada ya lori la mafuta kufeli breki na kuyagonga magari mengine matatu katika mtelemko wa mlima wa Iwambi – Mbalizi nje kidogo ya Jiji la Mbeya.

Katika ajali hiyoiliyotokea majira ya saa nane mchana, Mbunge wa viti Maalum CCM Mkoa wa Mbeya, Mary Mwanjelwa alinusurika kufa baada ya gari alilokuwa akisafiria, kugongwa na kuteketea kabisa kwa moto na kusababisha kifo cha Katibu wake, ambapo mbunge huyo amelazwa katika Hospitali Teule ya Ifisi 

Baadhi ya watu waliioshuhudia ajali hiyo, walisema kuwa lori hilo la mafuta lilifeli breki na kuanza kutelemka kwa kasi katika mlima huo, ambapo liliyagonga magari matatu ukiwamo Hiace yenye namba za usajili T 587 AHT.

Kwa upande wake, Muuguzi wa Hospitali ya Ifisi, Sikitu Mbilinyi  alisema mbunge Mwanjelwa analalamika zaidi maumivu katika sehemu ya mgongoni  na miguu  sawa na dereva wake ambaye naye analalamikia miguu na amepasuka sehemu ya kichwani. 

TUWAOMBEE MAJERUHI WAPONE HARAKA WAENDELEE NA KAZI YA KUJENGA TAIFA.

PICHA  NA HABARI : MBEYA YETU BLOG