RAIS WA JAMHURI YA MUUNGANO WA TANZANIA DR JAKAYA KIKWETE ALAKIWA KWA SHANGWE MBEYA

WAZIRI WA NCHI OFISI YA RAIS PROFESA MARK MWANDOSYA AKIWA NA MKEWE LUCY MWANDOSYA WAKIJIANDAA KUMPOKEA RAISI KIKWETE.

VIONGOZI MBALIMBALI WA MADHEHEBU YA DINI PIA HAWAKUWA MBALI KATIKA MAPOKEZI YA MHESHIMIWA RAISI KIKWETE.

WANANCHI WAKIMSUBIRI MHESHIMIWA RAISI KIKWETE NJE YA UWANJA WA NDEGE WA KIMATAIFA WA SONGWE MKOANI MBEYA.

VIJANA WA CHAMA CHA WAENDESHA BAJAJI JIJI LA MBEYA NAO HAWAKUWA MBALI KUMLAKI RAISI KIKWETE AMBAPO WALIKUWA NA MABANGO YA KUMSHUKURU NA KUMPONGEZA.

MBUNGE WA VITI MAALUMU MKOA WA MBEYA DR. MARY MWANJELWA AKIWA NA MKE WA WAZIRI WA NCHI OFISI YA RAISI BI LUCY MWANDOSYA WAKIJADILI JAMBO KATIKA CHUMBA CHA KUSUBIRIA ABIRIA KATIKA UWANJA WA NDEGE WA KIMATAIFA WAKIMSUBIRI RAISI  KIKWETE.

MKUU WA WILAYA YA RUNGWE CRISPINI MEELA AKIMSIKILIZA WAZIRI WA NCHI  OFISI YA RAIS PROFESA  MACK MWANDOSYA.

MKUU WA WILAYA YA ILEJE BI ROSEMARY SENYAMULE AKITETA JAMBO NA WADAU WA HABARI MKOANI MBEYA HUKU WAKIMSUBIRI MHESHIMIWA RAISI.

MKUU WA WILAYA YA RUNGWE CRISPIN MEELA AKIBADILISHANA MAWAZO  NA BAADHI YA WANAHABARI WA MKOA WA MBEYA.

KAMANDA WA POLISI MKOA WA MBEYA DIWANI ATHUMANI AKISISITIZA JAMBO KWA WAANDISHI WA HABARI WALIOJITOKEZA KUMLAKI MHESHIMIWA RAISI.

MBUNGE WA MBEYA MJINI JOSEPH MBILINYI ( SUGU) CHADEMA NAYE HAKUWA MBALI KUMLAKI RAISI KIKWETE KATIKAT NI MKUU WA WILAYA YA RUNGWE CHRISPIN MEELA

MKUU WA MKOA WA MBEYA ABBASI KANDORO AKITETA JAMBO NA MSTAHIKI MEYA WA JIJI LA MBEYA ATANUS KAPUNGA.

NDEGE ALIYOPANDA MHESHIMIWA RAISI IKIWASILI KATIKA UWANJA WA NDEGE WA KIMATAIFA WA SONGWE MKOANI MBEYA TAYARI KWA ZIARA YA SIKU MBILI.

RAISI WA JAMHURI YA MUUNGANO WA TANZANIA MHESHIMIWA JAKAYA MRISHO KIKWETE AKITEREMKA KWENYE NDEGE BAADA YA KUWASILI KATIKA UWANJA WA KIMATAIFA WA SONGWE MBEYA(SIA)

AKISALIMIANA NA VIONGOZI MBALIMBALI

BAADA YA KUVALISHWA SKAFU KUTOKA KWA VIJANA WA GREEN GUARD

AKISALIMIANA NA WANANCHI

 

Rais Dkt.Jakaya Mrisho Kikwete akisalimiana na mtoto mdogo muda mfupi baada ya Kuwasili katika uwanja wa ndege wa Songwe mjini Mbeya jana.(picha na Freddy Maro)

 

Maelfu ya Wakazi wa Mji wa Mbeya wakisalimiana kwa Shauku na Rais Dkt.Jakaya  Mrisho Kikwete muda mfupi baada ya kuwasili katika uwanja wa ndege wa Songwe mjini Mbeya tayari kuongoza sherehe za Mei mosi zinazofanyika mkoani huko kesho(picha na Freddy Maro)

NGOMA ZA ASILI ZIKITOA BURUDANI

AKIONDOKA KATIKA UWANJA WA NDEGE HUKU AKIWAPUNGIA WANANCHI MKONO.
Picha na Jem

.......................................................................................

Bei ya mahindi Mbeya yaanza kuporomoka

 

Na  Godfrey Kahango, Mwananchi  

“Unajua mwandishi, wakulima wengi wameanza kuvuna mazao yao kwa wingi hivyo hata sisi wafanyabiashara hatupati shida kubwa sana kufuata mahindi hayo’’ alisema Israel ambaye anauza mahindi Soko la Soweto.
 Mbeya. Bei ya mazao mbalimbali jijini hapa imeanza kuporomoka.
Uchunguzi uliofanywa na gazeti hili kwa maeneo tofauti ulibaini kushuka kwa kasi bei za mahindi, ambapo debe moja sasa linauzwa kati ya Sh8,000 hadi Sh9,500, badala ya Sh14,000 hadi Sh15,000 za miezi iliyopita.
Baadhi ya wafanyabiashara wa mahindi kwa nyakati tofauti walisema kuwa kushuka kwa bei ya zao hilo ni kawaida kutokana na msimu wa mavuno kuanza. Walisema licha ya kuwa wakulima wengi wameanza kuvuna mazao yao na kuwauzia wafanyabiashara, hata gharama za usafirishaji kutoka vijijini hadi masokoni nayo imepungua.
“Unajua mwandishi, wakulima wengi wameanza kuvuna mazao yao kwa wingi hivyo hata sisi wafanyabiashara hatupati shida kubwa sana kufuata mahindi hayo’’ alisema Israel ambaye anauza mahindi Soko la Soweto.
Lakini mfanyabiashara mwingine wa Kijiji cha Mahenje wilayani Mbozi, Rajabu Pwele, alisema kuwa kwa Wilaya ya Mbozi bei ya mahindi imeonekana kupanda.
Alisema mwezi mmoja uliopita walikuwa wanauza debe moja Sh5,000 lakini hivi sasa wanauza debe moja Sh6,000 hadi Sh7,000.
“Ni kweli huu ni msimu wa mavuno na wakulima wengi wameanza kuvuna mahindi yao, lakini huku kwetu bei inaonekana kupanda tofauti na hapo awali ambapo ilikuwa Sh5,000 na sasa kutokana na wafanyabiashara wakubwa kuanza kuingia huku kwetu bei imepanda hadi kufikia kati ya Sh6,000 hadi Sh7,000,” alisema Pwela.
Hata hivyo uongozi wa Serikali ya Wilaya ya Mbozi imewataka wakulima wilayani hapo kutobweteka na bei hiyo baada ya kuonekana kupanda na wakajiuzia ovyo ovyo na mwishoe wakajikuta wanakumbwa na balaa la njaa.
.....................................................................................................

MOURINHO AFA KIUME SANTIAGO BERNABEU USIKU HUU, APIGA 2-0 LAKINI HAZITOSHI KUMSONGESHA FAINALI!!

Na Baraka Mpenja kwa Msaada wa Sportsmail.com

Daah! Ali manusura vijana wa Mourinho waione Wembley mwaka huu baada ya kuwafunga nyuki wa kaskazini mashariki mwa Ujerumani, Borrusia Dortmund mabao 2-0 usiku huu katika dimba la Santiago Bernabeu

Matokeo hayo yameitupa nje Real Madrid kutokana na matokeo ya mchezo wa kwanza nchini ujerumani ambapo Mourinho alipiga kipigo cha mbwa mwizi cha mabao 4-1 na baada ya kushinda leo kwa mabo mawili Madrid wanatoka kwa wastani wa mabao 4-3.

Mchezo wa leo ulikuwa mgumu sana kwa Mourinho kwani walilazimika kumaliza kipindi cha kwanza wakiwa 0-0 na kipindi cha pili kilipoanza bado mambo yalikuwa magumu mpaka dakika ya 83 ambapo waliandika bao la kwanza kupitia kwa Mfaransa Karim Benzema akipokea pasi nzuri kutoka kwa Mjerumani Mesut Ozil.

Na katika dakika ya 88 beki machachari Sergio Ramos alimalizia pasi maridhawa ya Karim Benzema na kuzamisha gozi kambani, lakini matokeo hayo hayajafua dafu kufuatia kipigo cha 4-1 ugenini.

Katika kipindi cha kwanza cha mchezo huo Real Madrid walicheza vizuri zaidi ya wapinzani wao lakini walishindwa kupangua ngome imara ya Kocha Flopp aliyetamba toka awali kuwa hawataweza kuwafunga, lakini kipindi cha pili waliachia na kufungwa, kama Madrid wangekuwa makini wangewatoa leo baada ya kupoteza nafasi muhimu.

Ozil hatasaulika kwa mashabiki wa soka wa Real Madrid baada ya kupoteza nafasi muhimu za kufunga mabao ambayo yangewapeleka dimba la taifa la Wembley nchini Uingereza kucheza mchezo wa fainali.

Waswahili wana msemo wao usemao “Mwenzako akinyolewa zako tia maji”, Madrid safari yao imekwisha leo usiku huku wakiathiriwa na matokeo ya mchezo wa kwanza, watani zao wa jadi, FC Barcelona nao kesho wanapambana na Wekundu wa kusini mwa Ujerumani FC Bayern Munich katika dimba la Camp Nou huku Barca wakiwa na kumbukumbu ya kutandikwa mabao 4-0  Allianz Arena.

Je yatawafika ya Madrid leo ama watafunga mabao 5-0 ili wafuzu fainali na hatimaye kukutana na Dortmund ambao wameshakata tiketi leo usiku.

 

Muuaji Robert Lewandowski akijaribu kupiga mpira kwa utalaamu mkubwa

 

Sergio Ramos akishangilia bao lake la pili lililowapa Madrid Matumaini makubwa

VIKOSI VYA TIMU ZOTE

Real Madrid: Diego Lopez, Essien, Varane, Sergio Ramos, Fabio Coentrao, Modric, Alonso, Di Maria, Ozil, Ronaldo, Higuain.

Subs: Casillas, Pepe, Khedira, Kaka, Benzema, Albiol, Morata.
Borussia Dortmund: Weidenfeller, Piszczek, Subotic, Hummels, Schmelzer, Gundogan, Bender, Blaszczykowski, Gotze, Reus, Lewandowski.

Subs: Langerak, Kehl, Leitner, Sahin, Grosskreutz, Schieber, Felipe Santana.
Mwamuzi: Howard Webb

 

 Ramos akitandika mkwaju mkali kwa guu la dhahabu kwa wanasoka, guu la kushoto 

 

: Benzema akiandika bao la kwanza

 

Wachezaji wa Real Madrid wakimtaka kipa wa Dortmund Roman Weidenfeller asimame baada ya kufunga bao la kwanza kwani alionekana kutka kupoteza wakati

 

Haikutosha: Cristiano Ronaldo hajaweza kuisadia Madrid kufika fainali ya UEFA mwaka huu

 

Robert Lewandowski akichungulia moja ya mashuti yake kama unaingia kimiani ama la

 

Hakuna Ujanja: Nyota wa Real Madrids Gonzalo Higuain  akijaribu kumpokonya kipa Mats Hummels

 

Wakiruka juu zaidi: Lewandowski akipigania mpira na beki wa Madrid Raphael Varane

 

Ronaldo akionekana akilalamika baada ya kuungashwa

 

Hana jinsi: Mourinho akionekana amepaniki sana

 

Mwisho wa safari: Ronaldo akitembea uwanjani akionekana amechanganyikiwa na mwenye mawazo baada ya filimbi ya mwisho