Wednesday, July 18, 2018

Ndalichako aitaka TCU kuongeza ubora wa vyuo vikuu


Waziri wa Elimu Sayansi na Teknolojia Prof Joyce Ndalichako ameiagiza Tume ya vyuo vikuu nchini TCU kuongeza kasi ya kuhakiki ubora wa vyuo vya elimu ya juu na vitakavyobainika kukosa vigezo hata kiwe cha serikali kifungiwe kwani suala la ubora wa elimu  ni jambo la lazima kwani  hakuna haja ya kuwa na msururu  wa vyuo visivyokuwa na tija.

Prof Ndalichako ameyasema hayo alipokuwa akifungua maonyesho ya vyuo vikuu ambapo yeye alikuwa mgeni rasmi.

Wakati akizindua maonyesho hayo Prof Ndalichako amevitaka Vyuo vikuu kutafuta suluhu changamoto zinazoikumba jamii  na  kuonyesha fursa  mbalimbali zilizopo katika sekta ya kilimo,viwanda ambapo baadhia ya vyuo vimemweza kuhusu tafiti walizofanya katika maeneo hayo.

Katika maonyesho hayo baadhi wanafunzi wamejitokeza kupata taarifa za namna ya kujiunga na vyuo vya ndani na nje ya nchi na kupatiwa maelezo ya kina.

MAGAZETI YA LEO 19/7/2018



































MAJINA YA WALIMU WA AJIRA MPYA WALIOPANGWA VITUO VYA KAZI JULAI, 2018


TAARIFA KWA UMMA KUHUSU AJIRA YA WALIMU WA SHULE ZA MSINGI NA SEKONDARI JULAI, 2018
Ofisi ya Rais – TAMISEMI inapenda kuutarifu Umma kuwa, jumla ya Walimu 4,840 wamepangiwa vituo vya kazi kwenye Shule mbalimbali za Msingi na baadhi kwenye Shule za Sekondari nchini. 

Walimu hao waliopangiwa vituo vya kazi wanatakiwa kuripoti katika Ofisi za Wakurugenzi wa Halmashauri zilipo shule walizopangiwa na baadaye kuripoti kwenye Shule walizopangiwa. 

Walimu wote wanatakiwa kuripoti kwenye vituo vyao vya kazi kuanzia tarehe 23 Julai, 2018 hadi tarehe 7 Agosti, 2018 wakiwa na mahitaji yafuatayo:
  • Vyeti halisi vya taaluma vya Kidato cha Nne na/au Kidato cha Sita;
  • Vyeti halisi vya kitaaluma vya mafunzo ya Ualimu katika ngazi husika; na
  • Cheti halisi cha kuzaliwa.
Walimu wote waliopangiwa vituo vya kazi wanaelekezwa kuwa:
  • Vituo vyao vya kazi ni Shule ya Msingi au Sekondari alizopangiwa na sio Makao Makuu ya Halmashauri;
  • Mwajiriwa atakayeripoti na kuchukua posho ya kujikimu kisha akaondoka katika kituo chake cha kazi alichopangiwa Serikali itamchukulia hatua kali kwa mujibu wa sheria na taratibu zilizopo; na
  • Hakuna Mwalimu atakayekubaliwa kubadilisha kituo kwa sababu yoyote ile. Kila mwajiriwa mpya anapaswa kuripoti katika kituo chake alichopangiwa na si vinginevyo. Waajiriwa wapya ambao watashindwa kuripoti katika vituo walivyopangiwa nafasi zao zitachukuliwa na Walimu wengine 5,220 wenye sifa waliokosa nafasi.
Wakurugenzi wa Halmashauri husika wawapokee Walimu waliopangwa kwenye Halmashauri zao kwa kuzingatia taratibu na kanuni zote za utumishi wa Umma, ikiwa ni pamoja na kutoa taarifa ya kuripoti kwao. Taarifa ya kuripoti waajiriwa hao itumwe Ofisi ya Rais- TAMISEMI ifikapo au kabla ya tarehe 10.08.2018 baada ya tarehe ya mwisho ya kuripoti.
 
Majina ya Walimu waliopangiwa vituo yanapatikana katika tovuti ya Ofisi ya Rais – TAMISEMI ya www.tamisemi.go.tz

Serikali yatumia Sh Bilioni 150 kulipa wastaafu


Waziri wa Nchi Ofisi ya Waziri Mkuu Sera Bunge Kazi Ajira Vijana na watu wenye ulemavu, Jenister Mhagama amesema serikali inaendelea kufanya uchambuzi wa kubaini watumishi wote waliostaafu kabla ya 1999 ambao walikuwa wakichangia katika mifuko ya hifadhi ya jamii ili waweze kulipwa madai yao ambapo mpaka sasa shilingi Bilioni 150 zimeshalipwa.

Akizungumza na watumishi wa Chama cha Walimu Tanzania CWT kwa niaba ya Waziri Mhagama,Naibu Waziri wa Nchi Ofisi ya Waziri Mkuu Sera Bunge Kazi ajira na vijana Mhe Antony Mavunde amesema ni dhamira ya serikali kuhakikisha wastaafu wote wakiwemo walimu wanalipwa madai yao.

Kwa upande wake Rais wa Chama cha Walimu Tanzania CWT Mwalimu Leah Ulaya amesema wanakabiliwa na changamoto kubwa ya baadhi ya vyama vinavyopingana na CWT hivyo kuleta migogoro ndani ya chama hali inayowafanya wananchama kushindwa kupata haki zao za msingi.

Naye Katibu Mkuu wa CWT Taifa Mwalimu Deus Seif amesema kuwa walimu wanakabiliwa na changamoto mbalimbali ambazo zinapelekea baadhi ya walimu kutekeleza vyema majukumu yao huku wakiomba serikali kuipa kipaumbele kada hiyo muhimu kwa maendeleo ya taifa.

Monday, July 16, 2018

TANZIA. COSTICA IPANDA AFARIKI LEO DUNIA KATIKA HOSPITAL YA MAKANDANA TUKUYU, TAARIFA ZAIDI ZITAWAJIA...



KULIA NI MAREHEMU COSTIKA IPANDA AKIWA NA ESTER BISHANGA NA EZEKIEL KAPONELA ENZI ZA UHAI WAKE AKIWA MMOJA WA WATANGAZAJIA WA KWANZA WA CHAIFM RADIO 105.7. BWANA ALITOA NA BWANA AMETWAA JINA LA BWANA NA LIHIMIDIWE



SIKU YA UZINDUZI WA CHAIFM RADIO MWAKA 2015 MAREHEMU COSTIKA IPANDA WA PILI KUANZIA KUSHOTO MBELE AKIWA NA TIMU YA WATANGAZAJI WA CHAIFM

MAGAZETI YA LEO 16/79/2018