Tuesday, January 16, 2018

Daktari wa White House asema afya ya akili ya Trump ni nzuri

Donald Trump shakes hands with Dr Ronny Jackson after his annual physical exam at Walter Reed National Military Medical Center in Bethesda, Maryland, 12 January 2018Haki miliki ya pichaREUTERS
Image captionBw Trump akimsalimia Dkt Jackson bbada ya uchunguzi Ijumaa
Rais Trump hajaonyesha dalili zozote za matatizo ya kiakili kufuatia uchunguzi wa kiafya na yuko la afya nzuri, daktari wa White House amesema.
"Sina wasi wasi wowote kuhusu afya ya akili ya Trump," Ronny Jackson alisema Jumanne.
Wiki iliyopita Trump alifanyiwa uchunguzi wa afya wa saa tatu, ambao ni wake wa kwanza tangu awe rais wa Marekani.
Hii ni baada ya kutolewa kitabu chenye utata kulichoeneza uvumi kuhusu afya ya kiakili ya Rais Trump.
Akiongea na waandishi wa habari wakati wa mkutano huko White House, Dkt Jackson alisema kuwa kwa jumla afya ya rais ni nzuiri.
"Anaendelea kufurahia moyo wenye afya na afya yote kwa jumla kutokana na kutovuta sigara na kutokunywa pombe," aliongzea.
White House physician Ronny Jackson answers question about US President Donald Trump's health after the president's annual physical at the White House in Washington, 16 January 2018Haki miliki ya pich
Image captionDr Jackson alisema hana wasi wasi na afya ya kiakili ya Trump
Hata hivyo Dkt Jakcson alisema kuwa Bw Trump, 71, atanufaika kwa kupunguza vyakula vyenye mafuta na mazoezi zaidi.
Siku ya Ijumaa rais alichunguzwa na madaktari wa kijeshi katika kituoa cha afya cha Walter Reed huko Bethesda, Maryland katika uchunguzi uliotajwa kuwa uliofanikiwa.
Kulingana na Michael Wolf ambaye ni mwandishi wa kitabu cha Fire and Fury: Inside the Trump White House, ni kuwa wafanyakazi wote wa White House walimuona Trump kama mtoto.
Trump alijibu kwa kusema kwa kitabu hicho kimejaa uongo huku naye waziri wa mashauri ya nchi za kigeni akikana madai kuwa afya ya rais ilikuwa inafeli.

Atakayebainika kutafuna Sh. Milioni 320 za Imara saccos achukuliwe hatua za kisheria-Majaliwa










WAZIRI MKUU Kassim Majaliwa amemuagiza Ofisa Ushirika wa Manispaa ya Musoma, Yunia Wiga kufuatilia upotevu wa sh. milioni 320 za Imara SACCOS na atakayebainika kuhusika ashughulikiwe.

Alitoa kauli hiyo Januari 15, 2018 jioni alipopokea malalamiko ya wanachama wa SACCOS hiyo kupitia mabango waliyoyawasilisha katika mkutano wa hadhara uliofanyika kwenye uwanja wa Mukendo mjini Musoma.

Waziri Mkuu ambaye yuko mkoani Mara kwa ziara ya kikazi ya siku sita, alimuagiza ofisa huyo kukutana na uongozi na wanachama wa SACCOS hiyo leo mchana na kisha kumpa majibu juu ya upotevu wa fedha hizo pamoja na sh. milioni 40 za hisa ifikapo Januari 20, 2018.

Katika hatua nyingine, Waziri Mkuu alimuagiza Mkurugenzi wa Manispaa ya Musoma, Fidelica Myovella kuhakikisha anatenga fedha kwa ajili ya kuwalipa fidia wananchi mbalimbali waliopisha miradi ya maendeleo katika Manispaa hiyo.

Waziri Mkuu alisema siyo vizuri kwa halmashauri kuchukua maeneo ya wananchi kwa ajili ya ujenzi wa miradi ya maendeleo kama barabara, standi na kisha kukaa muda mrefu bila ya kuwalipa fidia zao. Aliyasema hayo baada ya kupokea malalamiko ya wananchi waliopisha ujenzi wa kituo cha daladala cha Bweri ambao hawajalipwa fidia zao tangu mwaka 2013. Mkurugenzi huyo aliahidi kuanza kulipa madeni hayo kuanzia mwezi Januari, 2018.
Awali, Mbunge wa jimbo la Musoma Mjini, Vedastus Mathayo aliishukuru Serikali ya awamu ya tano chini ya Rais Dkt. John Magufuli kwa kutekeleza baadhi ya ahadi alizozitoa wakati wa kampeni ikiwemo ya upatikanaji wa maji safi na salama.
Mathayo alisema wananchi wa jimbo hilo kwa muda mrefu walikuwa wanakabiliwa na changamoto ya upatikanaji wa huduma ya maji safi na salama, hivyo alitumia fursa hiyo kuishukuru Serikali kwa utekelezaji wa ahadi hiyo.
Mbali na mradi wa maji pia Serikali inatekeleza miradi mbalimbali ya maendeleo katika jimbo hilo ikiwemo ya ujenzi wa barabara za mitaa kwa kiwango cha lami pamoja na ukarabati wa kiwanja cha ndege unaotarajiwa kuanza hivi karibuni. Waziri Mkuu alisema ahadi zote zilizopo kwenye ilani ya uchaguzi ya Chama Cha Mapinduzi (CCM) ya mwaka 2015 na zile zilizotolewa na Rais Dkt. Magufuli zitatekelezwa, hivyo wananchi waendelee kuwa na imani na Serikali yao.

Waziri Biteko achukizwa na utendaji kazi wa STAMICO


Uongozi wa Shirika la Madini la Taifa (STAMICO) umetakiwa kutoa maelezo kwa serikali katika kipindi cha muda mfupi kueleza sababu za kuendelea kusalia kuwepo kwa shirika hilo kutokana na kukosa umakini katika utendaji.

Kauli ya kuchukizwa na utendaji wa Shirika hilo imetolewa leo na Naibu Waziri wa Wizara ya Madini, Dotto Mashaka Biteko Wakati akizungumza na Uongozi pamoja na watumishi wa Shirika hilo Jijini Dar es salaam.

Biteko amesema kuwa serikali ilikuwa na makusudi mazuri kufuatia mabadiliko ya Sera za kiuchumi kwa STAMICO kuwekwa kwenye orodha ya mashirika yanayotakiwa kubinafsishwa, lakini katika kipindi chote cha utendaji hakuna msaada wowote ambao Shirika hilo limeipatia serikali zaidi ya kuingiza hasara.

Amesema kuwa pamoja na STAMICO kuwa na jukumu la kuendeleza migodi ya Madini na kufanya biashara za Madini ikiwemo mradi wa dhahabu wa STAMIGOLD uliopo Biharamulo Kagera na mgodi wa Makaa ya Mawe KABULO uliopo Ruvuma lakini Taasisi hiyo imeshindwa kuendeleza migodi kwa ufanisi.

Amesema kuwa Shirika hilo linapaswa kutafakari kwa umakini utendaji wake kwani limeongeza hasara kwa serikali ya deni la shilingi Bilioni 1.77 hivyo serikali haiwezi kuendelea kusalia kuwa na Shirika linalozalisha madeni kuliko matokeo makubwa na faida.

Biteko amesema kuwa imani bila matendo ni uduni wa fikra hivyo kuwa na cheo kikubwa serikalini halafu uzalishaji ni mdogo ni kipimo halisi cha utendaji wa mazoea walionao watumishi wengi ambao wamekosa uzalendo na bidii katika utendaji kazi.

Majaliwa ahamasisha uchangiaji damu


Waziri Mkuu Kassim Majaliwa amewahamasisha wananchi kujenga mazoea ya kujitolea damu ili kunusuru maisha ya akinamama wazazi na watoto wakiwemo majeruhi wa ajali wakati wa wanapofanyiwa upasuaji.

Waziri Mkuu alikuwa akizungumza wakati wa kukagua kituo cha afya cha Kinesi wilayani Rorya kilichojengwa kwa fedha za moja kwa moja kutoka serikali kuu.

Waziri Mkuu amewataka viongozi wa halmashauri kuhakikisha wanawahamasisha wananchi kujitokeza katika haraambee za uchangiaji damu ili kutatua upungufu katika benki ya damu katika maeneo yote ya kutolea huduma za afya.

Aidha waziri mkuu akawahiidi wananchi kuwa serikali itahakikisha inapandisha hadhi kituo cha afya cha Kinesi kuwa hospitali ya wilaya huku akielezea mikakati wa serikali inayolenga kuongeza magari ya wagonjwa ili kutatua changamoto ya wagonjwa kutembea umbali mrefu kufuata huduma ya afya.

MAGAZETI YA LEO JANUARI 17, 2018





























KINGOTANZANIA
0752 881456
 

Monday, January 15, 2018

Askofu Kakobe alivyohojiwa na TRA

Askofu Mkuu wa Kanisa la Full Gospel Bible Fellowship (FGBF), Zachary Kakobe amewaelezea waumini wake jinsi alivyohojiwa na timu mbili zilizoundwa kwa nyakati tofauti na Mamlaka ya Mapato Tanzania (TRA).

Askofu Kakobe, ambaye ameingia kwenye mgogoro na mamlaka za nchi tangu aeleze kuwa ana utajiri mkubwa, alisema hayo wakati wa ibada iliyofanyika katika kanisa lake lililopo Mwenge jijini Dar es Salaam, ikiwa ni mara ya pili kuzungumzia sakata hilo kwa waumini wake tangu Desemba 31 mwaka jana.

Hata hivyo, Kakobe alisema kutoa mrejesho huo hakuwazuii TRA kueleza waliyobaini, lakini amesema ameona azungumze mapema na waumini wake kwa kuwa ndio watoa sadaka na wana haki kwa asilimia 100 kujua kinachoendelea kanisani kwao.

“Baada ya kuleta barua, Januari 2, kiongozi wa tume iliyoundwa awali na kikosi chake walifika na tuliwapa ushirikiano. Nilikuwa nao katika ofisi ya kiuchungaji kwa mahojiano, walikuwa na karatasi za maswali na majibu waliyaandika,” alisema.

“Waliuliza kuhusu utajiri wangu, niliwaambia nina nyumba moja tu duniani ipo Kijitonyama niliijenga kwa gharama ya Sh2 milioni na kiwanja nilinunua Sh30,000. Ni nyumba ya kawaida na ipo katika mtaa wa kawaida uitwao kwa Kakobe. Utafuteni mtaiona nyumba yangu.”

Askofu Kakobe alisema aliwaeleza wazi kuwa ana waumini wake ambao hawakuridhishwa na anapoishi, hivyo walitamani awe na sehemu nzuri itakayoweza kufaa kwa ajili ya wageni wa kimataifa wanaoweza kuwatembelea. Alisema walimshirikisha hilo na walijenga eneo jingine kwa michango yao miaka 10 iliyopita.

Alisema suala la akaunti za kanisa aliliweka wazi na kuwaambia kuwa kuna akaunti benki ya NBC na akaunti ya mfuko wa kitaifa wa FGBF iliyopo pia NBC Meru, Arusha.

“Niliwaambia wazi mimi wala mke wangu hatuna akaunti benki. Binafsi sina mradi wowote, sina shamba, sina kuku hata mmoja, paka na wala panya niliyefuga. Niliwaambia hata kanisa hatuna mradi wowote wa kiuchumi na hivi ndivyo tunavyoishi,” alisema.

“Mmoja akaniuliza kwa nini hamna mradi wa kiuchumi, nilimweleza huo ni wito wetu. Wakatoa karatasi moja ya kumbukumbu za TRA wakasema kuna shule moja inaitwa Full Gospel si yenu? Nikasema hatuijui ila ni neno ambalo linatumika kote duniani. Mkifuatilia vizuri mtajua wenye shule ni ya kina nani.”

Alisema walimuuliza iwapo ameajiri watu kanisani, akasema kuna watumishi zaidi ya 1,000 ambao hawalipwi wanafanya kazi ya Mungu na huo ndiyo mfumo wa kanisa.

Alisema walimuuliza kuhusu ukusanyaji wa sadaka, maisha yake bila ya kuwa na mradi wowote na baadaye waliitwa wakusanyaji sadaka kwa mahojiano zaidi.

“Wakauliza kutoka kwa hicho kikosi ‘bahasha za maombi maalumu ambazo huelekezwa kwa mchungaji zinakuwa nzito sana’, wakasema zinakuwa za kawaida tu. Wakaniambia kwa uzoefu wako kiasi gani huwa kinapatikana kwa mwezi, nikawaambia hufika hata Sh5 milioni lakini wakati mwingine kinaweza kwenda chini.”

Alisema baada ya hapo walihojiwa watoto na mke wake na kijana wake mmoja na majibu yakawa yaleyale. Alisema walichukua baadhi ya kompyuta na nyaraka muhimu kwa ajili ya uchunguzi na baadaye walitoa maoni yao.

“Kilichofuatia ndicho kilichonifanya nitoe mrejesho kabla ya TRA. Yule kiongozi niliyekabidhiwa na TRA alitoa ripoti inayoonyesha sina miradi wala vyanzo vya fedha, kinachosalia ni sadaka na wao hawahusiki nazo,” alisema Kakobe.

“Baada ya kiongozi huyo kutoa ripoti hiyo, aliondolewa katika hiyo kazi na hivi tunavyozungumza amepelekwa mkoani. Nikasema sasa nitamwaga mboga leo, nikasema hapa kuna hila, nitaitungua ndege kabla haijapaa.”

Askofu Kakobe alisema baada ya kiongozi huyo kutimuliwa ameletwa kiongozi mwingine na kazi imeanza upya, “Wamekwenda nyumbani kwangu wamekagua chumba kwa chumba, vyumba vyote nguo za wanangu, mke wangu; wanachambua nguo mojamoja yaani wanasagula kama mtumbani. Wamekuja ofisini hivyohivyo. Wameenda kwa viongozi wangu wamefanya hivyohivyo,” alisema.

Alisema wamehoji wapi anapeleka fedha na kuwapa mrejesho kuhusu safari zake za ndani na nje ya nchi lakini hawajaridhika.

“TRA sasa ipo ndani ya sadaka. Hii ni TRA kweli? au kuna jambo? Mimi leo nimemwaga mboga, hata (Askofu Josephat) Gwajima aliwahi kutoa mrejesho. Sasa Gwajima na Kakobe ni mapacha. Walikuja ofisini wanakagua chumba kimoja mara kingine nikasema watumishi tuwe macho wasijekutuwekea bangi,” alisema.

Aidha katika hatua nyingine, Askofu Kakobe aliwataka watumishi wa TRA kufuata utaratibu na ikiwa wataanza kukusanya sadaka basi wakusanye makanisa yote.

Alitoa onyo kwa watumishi hao na kusema wanamchonganisha Rais John Magufuli na wananchi wake kwa kuwa haamini kama wametumwa.

“Ninavyomjua Rais John Magufuli ana hofu ya Mungu. Nalikumbuka neno lake la ‘mniombee nisiwe na kiburi’ na sijayasahau. Leo kama anatuma TRA wachunguze sadaka sina imani hiyo. Tunajua kuna watu siku hizi wanatafuta kiki, wanatafuta kupanda vyeo, nakushauri Rais wanaotafuta vyeo kwa staili hii wageukie na uwatumbue,” alisema.

Watu 11 wafariki katika ajali ya gari mkoani Kagera

Watu 11 wamepoteza maisha kufuatia ajali ya gari dogo HIACE aina ya Nissan Caravan yenye namba za usajili T 542 DKE ambapo imegonga magari makubwa mawili ya mizigo katika eneo la Nyangozi kata ya Nyantakara wilaya ya Biharamulo mkoani Kagera.

Kamanda wa polisi mkoa wa Kagera Augustine Ollomi amethibitisha kutokea kwa ajali hiyo na kusema kuwa ajali hiyo ilitokea jana jioni ambapo gari hilo dogo la abiria lilikuwa linatokea Kakonko mkoani Kigoma kuelekea Kahama.
Kutokana na mwendokasi aliokuwa nao dereva huyo ambaye mpaka sasa hajatambuliwa jina lake aligonga magari mawili ya mizigo yenye namba za usajili T694 COX iliyokuwa ikivuta tela namba T 103 DKJ mali ya kampuni ya Mruruma Enterprises ya Dar es Salaam.

Aidha Ollomi amesema kuwa watu 9 wamefariki hapo hapo eneo la ajali, mmoja njiani akipelekwa hospitali na mwingine amepoteza maisha leo asubuhi na kuongeza kuwa majeruhi watano wanaendelea kupata matibabu katika hospitali teule ya wilaya Biharamulo.

Abiria waliokuwa katika gari dogo ni 17, kumi na mmoja wamefariki akiwemo dereva, watano wamejeruhiwa na mmoja yuko salama.