 |
| NAELEKEA SHAMBANI IKIWA NI SIKU YA MAPUMZIKO YA KAZI ZA KIOFISI LEO NIKAZI YA KUTUMIA NGUVU HAPO NI DALAJA LA MTO KYALA MJINI TUKUYU WILAYANI RUNGWE NIKAKUTA DARAJA LETU LIMEBOMOKA |
 |
| SEHEMU YA SHAMBA LA MITI |
 |
| NIMEFIKA SHAMBANI KWANGU NIMEKUTA MITI IMEZINGILWA NA MAJANI NA MIIBA KAZI IKAANZA |
 |
| NIPO NA KAMANDA WANGU WA KAZI |
 |
| KAZI INAENDELEA |
 |
| ANGALAU THERUTHI YA SHAMBA ANGALAU NIMEFYEKA MIBAA NA MANYASI ILA SASA NAHAKIKISHA WIKI HII NAPATA NAFSI YA KUSHINDA SHAMBANI HUKU ILI KUWEKA HARI YA USAFI MAANA TUNAELEKEA KIANGAZI NA MITI INATAKA HEWA SAFI ILI KUKUA NA KUNENEPA ILI BAADAE TUNAPOVUTA TULIE KIVULINI |
 |
| KAZI NA DAWA MWENYEJI WANGU MZEE MWASOMOLA KANILETEA MAJI YA KUNYWA |
 |
| HAPO NIKIPATA CHAI YA ASUBUHI |
 |
| HUKU SHAMBA MWENYEJI WANGU MZEE MWASOMOLA ANATENGENEZA MKAA NA GUNIA ANAUZA TSH ELFU TISA, KIUKWELI KWA WAKAZI WA MJINI HII NI AJABU KUONA GUNIA LA MKAA KUUZWA KIASI HIKI KIDOGO LAKINI MAISHA YANASONGA |
 |
| MZEE MWASOMOLA NA MKEWE WAKINIAGA KWA FURAHA SANA NA HAWA WAZEE WANGU NAWAPENDA SANA KWAKUWA WANANITUNZIA SANA MASHAMBA YA HUKU MUNGU AWABARIKI SANA KWA MOYO WA UPENDO KWANGU |
 |
| LEO NI KUTEMBEA KWA KWENDA MBELE HAPO NIKIVUKA MOJA YA MADARAJA MANNE NINAYOYAPITA NIENDAPO KATIKA MASHAMBA HAYA MAWILI YA MITI |
 |
| NIMECHOKA SANA HAPO SASA SAFARI ISHAANZA KUWA NGUMU UKIZINGATIA KAZI NGUMU YA SHAMBA NA KUTEMBEA, NA HUKU NIMEPATA MAJI TU NA MUA LAZIMA KUPANDA MLIMA UONE KAZI |
 |
| KARIBUNI NYUMBANI SASA NIMEFIKA. |
BAADA YA KUFICHUA UWEPO WA MBEGU NA DAWA FEKI MBEYA, WAKAGUZI WANUFAIKA KWA RUSHWA
DAWA FEKI NA MBEGU ZA MAZAO ZAZAGAA MBEYA 
Mkuu
wa wilaya Mbeya Norman Sigalla
*Wakulima
wauziwa unga wa matofali kama dawa
*Mahindi
yapakwa Coper kulaghai wakulima
DAWA feki
zimezagaa katika maduka mbalimbali ya pembejeo za kilimo mkoani Mbeya na
kuendelea kutajirisha wafanyabiashara wasio waaminifu, imebainika.
Uchunguzi wa
kina uliofanywa kwa miezi sita sasa, umebaini kuwepo kwa dawa feki za
kuhifadhia nafaka hasa mahindi na maharage.
Wafanyabiashara
hao, ambao baadhi yao kwa sasa hawakamatiki kutokana na utajiri walioupata kwa
njia hiyo, wamefikia hatua ya kusaga matofali yaliyochomwa kisha unga wake kuhifadhiwa kweye mifuko kama
dawa za kuulia wadudu wanaoharibu mimea na matunda ya Kahawa.
Dawa aina ya
Red Copper baadhi ya wafanyabiashara wanauza kwa ujanja unga wa matofali ya
kuchomwa kisha kuweka unga huo kwenye mifuko na kuuza kwenye maduka yao huku
Copper ya kuhifadhia mbegu za pamba wanauza kama Copper ya kutibu magonjwa ya
kahawa aina ya CBD.
Copper hiyo wakulima
wakiikoroga kwenye maji inatuama kwasababu siyo Copper halisi ya kuchanganya na
maji lakini wengi wanaitumia kwasababu ni bei rahisi na hawana elimu ya kutosha
kuhusu dawa hizo.
Kwa upande
wa mbolea, wanachukua mbolea aina ya minjingu ya punje na kuweka katika mifuko
ya Dap kwani Dap ina bei kubwa kuliko minjingu.
Wanafanya
hivyo kwasababu mkulima anapotumia mbolea hiyo hawezi kugundua mpaka pale mazao
yatakapokuwa yameanza kuharibika yakiwa shambani.
Mbegu za
mahindi, wamekuwa wakichukua mahindi ya kawaida na kuyachanganya na Copper ya
kuhifadhia mbegu za pamba na kopa ya kawaida kisha kuhifadhi kwenye mifuko ya
makampuni ya utafiti na kuwauzia wakulima.
Kuwepo kwa
mchezo huo mchafu kwa ajili ya kujitajirisha unaofanywa na baadhi ya
wafanyabiashara, mtaalam wa masuala ya pembejeo kutoka kampuni ya Bager, Alex
Swilla anathibitisha kuwepo kwa mchezo huo mchafu huku serikali ikiendelea
kufumbia macho.
Anasema
mbali na mbolea na mbegu hizo kuchakachuliwa, wafanyabiashara hao pia
wanachakachua na sumu ambapo jina la sumu linalokuwepo kwenye kopo ni tofauti
na dawa inayokuwemo ndani.
‘’Kwa upande
wa sumu, wanachukua dawa aina ya Sumision na kuweka katika makopo ya sumu aina
ya Daksban’’alisema Swilla.
Alisema hali
hiyo imeendelea kushika kasi kutokana na mambo mawili, likiwemo suala la rushwa
kwa wakaguzi au wakaguzi hao kutokagua kabisa maduka ya pembejeo hizo za kilimo
ama kukaa muda mrefu bila kufanya ukaguzi hali ambayo inawapa mwanya
wafanyabiashara hao kuendelea na mchezo huo.
Hata hivyo,
imebainika kuwa kutokana na ubora wa pembejeo za ruzuku kutoka serikalini, baadhi
ya wafnyabiashara hawakuwauzia wakulima kutokana na bei yake kuwa kubwa hivyo
mbolea hizo waliziuza kwa bei kubwa tofauti na maelekezo ya serikali lakini
serikalini hakuna aliyejali.
.................................................................................................
No comments:
Post a Comment